Yaa’ii waliigalaa idilee fi ariifachiisaa abbootii aksiyoonaa 2ffaa

Baankii Raammis W.A

Abbootii Aksiyoonaa Baankii Raammis Hundaaf

Beeksisa Ulaagaa eeruu kennuu fi filannoo miseensota boordii daayirektarootaa beeksisuuf bahe

Baankiin Raammis yaa’ii waliigalaa idilee fi ariifachiisaa abbootii aksiyoonaa 2ffaa Mudde 12, 2017 A.L.Itti Hoteela Ilillii Internationalitti ni gaggeessa. yaa’ii waliigalaa idilee kana irrattis filannoo miseensota boordii daayirektarootaa ni gaggeessa.

Ulaagaan eeruu kennuu fi filannoo Boordii Daayirektarootaa kun akkaataa Qajeelfama Baankii Baankii Biyyaalessaa Itoophiyaa Lakk.SBB/91/2024 keewwata 9 (3) tiin kan maxxanfame yoo ta’u, abbootiin aksiyoonaa waldya Baankii Raammis guyyaa yaa’iin waliigalaa adeemsifamu kanatti kaadhimamaa ulaagaa guutan eeruu fi filachuu kan danda’an ta’uu ibsina.

Ulaagaalee eeruu kennuu fi filannoo boordii daayirektarootaa ilaalchisee

1. Yoo xiqqaate digirii jalqabaa ykn sadarkaa barnontaa kanaan wal-gitu dhaabbata barnoota olaanaa beekamtii qabu irraa kan argate fi gosa hojii rogummaa qabuu yoo xiqqaate muuxannoo waggaa 7 kan qabu/qabdu;
2. Miseensa Boordii Daayirektarootaa ta’ee tajaajiluuf fedhii kan qabuu fi hojii kanaafis yeroo barbaachisaa ta’e kennuu kan danda’u;
3. Gahumsa barnootaa fi muuxannoo Biizinasi, Maaneejimantii, Baankii, Faayinaansii, Akkaawuntiingii, Ikonoomiksii, Seera, Bulchiinsa Blizinasii, Odiitii, Infoormeeshin Teeknooloojii, Maaneejimantii Invastimanti fi itti fufiinsa kan qabu/qabdu tahuu qaba.
4. Nama amala gaarii qabuu fi amanamaa ta’e; akkasumas gocha amantaa hir’isuu fi yakka walfakkatoodhaan murtiin balleessummaa kan itti kennamee hin beekne;
5. Namni daayreektaraa jaarmiyaa/dhaabbilee afur ol ta’ee tajaajila jiru filatamuu hin danda’u;
6. Hojii Baankii irratti murtii sababa qabeessaa fi qabatamaa ta’e kennuu kan danda’uu fi itti gaafatamummaa isa irraa barbaachisu bahachuu fi bahuu kan danda’u;
7. Leenjii fi ijaarsa dandeettii itti fufiinsa qabuun itti gaafatamummaa irraa eegamu bahachuu kan danda’u;
8. Dhimmoota bizinasii rakkisoo ta’an madaaluu, murtii sababa qabeessa ragaan deeggerame murteessuu, yaada murtii fi tarkaanfii hoggansa baankichaatiin kenname haala ijaaruu danda’uun qeequu kan danda’u;
9. Miseensoota boordii biroo waliin tumsaan hojjechuu kan danda’uu fi dandeettii hariiroo gaarii uumuu kan qabu:
10. Hojii daayireektara irraa barbaadamu raawwachuuf waldhabdee dantaa irraa bilisa fi walaba kan ta’e;
11. Dantaa abbootii aksiyoonaa eegsisuuf kutannoo cimaa kan qabu;
12. Yoo xiqqaate umuriin isaa waggaa 30 kan ta’ee; fi
13. Ulaagaalee biroo Qajeelfama Baankii Biyyaalessaa Itoophiyaa baase keessatti ibsaman guutuu qaba.

Haalota adda addaa

• Eeeruun kennamu hunduu gahumsa barnootaa fi muuxannoo kaadhimamaa, akkasumas eenyummaa abbaa aksiyoonaa eeruu kennee ibsuu qaba;
• Abbaan aksiyoonaa ofiif eeruu kennuu ni danda’a.
• Dhaabatni qaama seerummaa qabu tokko akkaataa tumaalee Seera Daldalaa rogummaa qabuun miseensa Boordii daayirektarootaa ta’ee filatamuu ni danda’a.
• Daarektaroonni amma jiran akkaataa seeraan hayyamameen irra deebi’anii filatamuu ni danda’u.
• Yoo xiqqaate dubartootni 2 (lama) miseensa Boordii daayireektaroota keessa jiraachuu qabu.
• Boordiin Daayirektaroota Baankii Raammis W.A miseensota 13 ni qabaata.
• Miseensota boordii keessaa 1/3 abbootii aksiyoonaa dhageettii olaanaa hin qabne keessaa kan Filataman yoo ta’u, eeruu fi filannoonis abbootii aksiyoonaa dhageettii Olaanaa hin qabne qofaan gaggeeffama
• Miseensota boordii keessaa 1/3 abbootii aksiyoonaa hunda keessaa kan filataman yoo ta’u, eeruu fi filannoonis abbootii aksiyoonaa hundaan kan raawwatamu ta’a.
• Miseensota boordii keessaa harki 1/3 Boordii daayirektaroota walaba yeroo ta’an Boordii daayirektaroota amma hojii irra jiruun kan kadhimamanii fi abbootii aksiyoonaa hundaan kan filataman ta’a

Hubachiisa: Ibsi saala dhiiraan dhiyaate hundi saala dubartiis ni ilaallata.

Barreessaa Waldichaa Baankii Raammis W.A